Um okkur

exa nordic er ráðgjafafyrirtæki í mannvirkjahönnun sem var stofnað út frá þeirri hugsjón að efla samstarf verkfræðinga og arkitekta. Með það að leiðarljósi bjóðum við upp á burðarvirkjahönnun og verkefnastjórnun þar sem rík áhersla er lögð á upplifun notenda, notagildi, sjálfbærni og hagkvæmni í framkvæmd og rekstri.

Í nánu samstarfi við arkitekta leitumst við eftir að virkja sérfræðiþekkingu verkfræðinga í listrænni sköpun og mótun verkefna frá fyrstu stigum. Með þeim hætti má stuðla að mannvirkjahönnun þar sem falleg byggingarlist upphefur umhverfi sitt í sátt við náttúru og á sama tíma byggir á traustum verkfræðilegum grunni.

Við viljum bjóða viðskiptavinum upp á úrvalsþjónustu sem byggir á faglegri verkefnastjórnun og traustum samskiptum. Við höfum í öndvegi að hlusta náið á þarfir viðskiptavina þannig að markvisst megi vinna að hönnun sem samræmist væntingum og kostnaðarviðmiðum.

Með sterku samstarfi við aðra fagaðila á markaðnum getum við boðið upp á heildarlausnir við hönnun mannvirkja. Eins erum við sveigjanleg og eigum auðvelt með að aðlaga okkur að nýjum verkefnum og áskorunum og getum útvíkkað þjónustuframboð okkar samstarfsaðila.

Teymið:

Arinbjörn Friðriksson

Arinbjörn er verkfræðingur og löggiltur hönnuður með meistaragráðu í byggingarverkfræði frá Danmarks Tekniske Universitet (DTU). Arinbjörn hefur um 40 ára starfsreynslu sem verkfræðingur. Störf hans eru einkum á sviði burðarþols, byggingareðlisfræði og verkefnisstjórnunar á hönnunarverkum. Má þar nefna stór verkefni á sviði brúa og húsbygginga. Verksviðið spannar allt sem tengist þessum málaflokkum, s.s. forhönnun og aðra hugmyndavinnu, kostnaðaráætlanir, hönnun, gerð útboðsgagna, eftirlit, verkefnisstjórnun og verkkauparáðgjöf.

Arnar Björn Björnsson (Framkvæmdastjóri)

Arnar Björn er verkfræðingur og löggiltur hönnuður með doktorspróf í byggingarverkfræði frá California Institute of Technology (Caltech). Arnar Björn hefur um 10 ára reynslu í hönnun burðarvirkja og verkefnastjórnun í mannvirkjagerð ásamt því að hafa sinnt kennslustörfum við verkfræðideildir Háskóla Íslands, Háskólans í Reykjavík og Chalmers í Svíþjóð. Arnar hefur góða þekkingu á flestum sviðum burðarvirkjahönnunar og sérstaklega á sviði jarðskjálftahönnunar, titrings í mannvirkjum og hönnun stálvirkja.

Arnar Kári Hallgrímsson

Arnar Kári er verkfræðingur og löggiltur hönnuður með meistaragráðu í byggingarverkfræði frá Norges Teknisk-Naturvitenskapelige Universitet (NTNU). Arnar Kári hefur rúmlega 10 ára starfsreynslu sem burðarþols-hönnuður og verkefnastjóri í verkefnum á Íslandi, í Noregi og á Grænlandi. Meðal helstu verkefna sem Arnar Kári hefur sinnt er hönnun frá frumdrögum að verklokum, gerð útboðsgagna og kostnaðaráætlanna, verkefnaöflun og stýring verkefna.

Auður Pálmadóttir

Auður er faglærður tækniteiknari með burtfararpróf frá Byggingatækniskólanum í Reykjavík. Auður er metnaðarfull og fljót að tileinka sér nýja þekkingu og beita henni á skilvirkan hátt. Hún er jafnframt listræn og skapandi og hefur til að mynda tekið
fjölbreitt námskeið í Myndlistaskóla Reykjavíkur gegnum tíðina. Samhliða sínum störfum mun hún haustið 2023 hefja Diplómanám í upplýsingatækni í mannvirkjagerð við Háskólann í Reykjavík.

Ásdís Sif Ásgeirsdóttir

Ásdís er faglærður tækniteiknari með burtfararpróf frá Byggingatækniskólanum í Reykjavík. Hún hefur einnig lokið Diplómanámi í upplýsingatækni í mannvirkjagerð frá Háskólanum í Reykjavík. Ásdís er metnaðarfull og fljót að tileinka sér nýja þekkingu og beita henni á skilvirkan hátt.

Áslaug Erlingsdóttir

Áslaug útskrifaðist með B.Sc. próf í Umhverfis- og byggingarverkfræði frá Háskóla Íslands 2022. Áhugasvið og áherslur í námi hafa verið á sviði burðarþols og sjálfbærni í mannvirkjagerð. Áslaug er metnaðarfull og fljót að tileinka sér nýja þekkingu og beita henni á skilvirkan hátt.

Birgir Indriðason

Birgir er verkfræðingur með meistaragráðu í byggingarverkfræði frá Norges Teknisk-Naturvitenskapelige Universitet (NTNU) og hefur rúmlega 10 ára starfsreynslu í verkefnum á Íslandi og í Noregi. Sérsvið Birgis er hönnun og greining burðarvirkja í bæði stórum og litlum verkefnum, þar sem hann vinnur náið með arkitektum í mótun mannvirkja alveg frá fyrstu skissum að lokaafurð.

Bragi Þorvaldsson

Bragi útskrifaðist með B.Sc. próf í Umhverfis- og byggingarverkfræði frá Háskóla Íslands 2024. Í námi sínu og starfi hefur hann sýnt fram á mikinn metnað og færni í að tileinka sér nýja þekkingu og öðlast skilning á flóknum viðfangsefnum.

Hávar Þorbjörnsson

Hávar er nemi við Umhverfis- og Byggingarverkfræðideild Háskóla Íslands (áætluð námslok í desember 2024). Í námi sínu hefur hann sýnt fram á mikinn metnað og færni í að tileinka sér nýja þekkingu og öðlast skilning á flóknum viðfangsefnum. Hann hefur einnig byggingareynslu sem nýtist honum vel við úrlausn verkefna.

Hildur Ingibjörg Sölvadóttir

Hildur er faglærður tækniteiknari með próf frá Iðnskólanum í Reykjavík. Hildur hefur yfir 40 ára reynslu af tækniteiknun og hefur á sinni starfsævi verið leiðandi í sínu fagsviði við að taka upp nýja tækni og aðferðir. Verkefni sem hún hefur unnið spanna flestar gerðir mannvirkja og allt frá smærri verkefnum til umfangsmeiri framkvæmda á Íslandi. Hildur hefur sinnt tækniteiknum á burðarvirkjum, lögnum- og loftræstikerfum, og rafmagnslögnum, ásamt því að sinna hlutverki BIM-stjóra.

Sigurður Egilsson

Sigurður er verkfræðingur með meistaragráðu í byggingarverkfræði frá Delft University of Technology (TU Delft). Sérhæfing hans er hönnun burðarvirkja úr stáli, timbri og trefjaefnum auk titrings í mannvirkjum. Auk praktískrar reynslu við hönnun burðarvirkja hefur Sigurður einnig sinnt rannsóknarstörfum við TU Delft í framhaldi af útskrift.